MANILA, Philippines – Nanawagan ang Philippine National Police (PNP) ng “patience and understanding” sa gitna ng kawalan ng tiwala ni Vice President Sara Duterte sa law enforcement, habang tiniyak na mananatiling legal, propesyonal at patas ang operasyon ng pulisya.
“We understand the Vice President’s concerns, but I assure her that the PNP remains committed to lawful, professional and impartial police operations,” ayon kay PNP chief Gen. Jose Melencio Nartatez Jr.
“[Her] statement was made under a situation that needs patience and understanding,” dagdag niya.
Una nang sinabi ni Duterte na hindi siya nagtitiwala sa pulisya at nag-aalala sa seguridad ng kanyang pamilya dahil umano sa harassment ng mga law enforcers. Ito ay matapos maglabas ng arrest warrant ang Quezon City Regional Trial Court laban sa kanya dahil sa kasong grave threats noong Biyernes.
Noong Sabado, nagtungo si Duterte sa korte kasama ang kanyang mga abogado at nagbayad ng P360,000 piyansa para sa kanyang conditional liberty.
Itinanggi naman ni Interior and Local Government Secretary Jonvic Remulla na hinarass ng PNP ang pamilya ni Duterte. Aniya, maayos ang pakikitungo ng mga pulis, nakasuot sila ng body cameras at hindi muna isinilbi ang warrant noong Biyernes dahil inaasahang magpipiyansa ang bise presidente.
“Our focus is always on maintaining peace and order, and police actions are always guided by our duty to protect,” sabi ni Nartatez.
“There were numerous stories of hard work and dedication, including some policemen making an ultimate sacrifice in the line of duty, that could speak for the dedication and professionalism of the police,” dagdag niya.
Inatasan din ni Nartatez ang PNP na beripikahin ang mga iniulat na banta kay Duterte at patuloy na bantayan ang anumang posibleng isyu sa kanyang seguridad. RNT/MDS
