MANILA, Philippines- Nagpaalala ang Philippine National Police (PNP) nitong Huwebes sa publiko na mag-ingat sa pagbibigay ng personal na impormasyon online at pag-click sa website links.
Ito ay kasunod ng pagtaas cyber identity theft cases ng 12.2 porsyento noong nakaraang taon, ayon kay PNP Anti-Cybercrime Group (ACG) director Maj. Gen. Sydney Hernia.
Sinabi ni Hernia na nakapagtala ang ACG ng 1,597 cyber identity theft cases noong 2023, mula 1,402 cases nooong 2022.
Nakasaad ang pagbabawal nito sa Section 4 (b) ng Republic Act 10175 o ang Cybercrime Prevention Act of 2012.
Ani Hernia, 20 suspek ang naaresto sa loob ng dalawang taon sa pamamagitan ng inquest at regular filing, habang iniimbestigahan pa ang ibang kaso o ini-refer sa ibang ahensya.
“Cyber identity theft occurs when individuals unknowingly share sensitive information through methods like phishing, scams, or downloading malicious software. Cybercriminals exploit social media platforms and insecure networks, compromised ATMs, and target data breaches on company, government, or educational websites,” paliwanag ni Hernia.
Sinabi niya na iwasan ang pagbabahagi ng personal na impormasyon online, pag-click sa kahina-hinalang links o pag-download ng attachments mula sa hindi unknown sources, at pagsuri kung mayroong “https://” sa URL kapag naglalagay ng sensitibong impormasyon sa mga website.
“By following these tips and staying vigilant, you can significantly reduce the risk of falling victim to cyber identity theft. Always be proactive in managing your online presence and protecting your personal information,” pahayag ni Hernia. RNT/SA
