MANILA, Philippines – Naglabas ng paglilinaw ang Philippine National Police (PNP) na walang pinapayagan si PNP chief Gen. Nicolas Torre III, na sinumang fitness instructor para manguna sa weight loss program para sa mga pulis.
Ang umano’y weight reduction program, ay pinangunahan ng fitness vlogger na si Rendon Labador na ginanap sa Camp Crame, Quezon City noong Hunyo 19.
Sa memorandum na inisyu noong Hunyo 21, sinabi ni PNP Directorate for Police Community Relations head Maj. Gen. Roderick Augustus Alba na ang physical fitness activity ay sinimulan ng Police Community Affairs and Development Group (PCADG) at nilahukan lamang ng mga miyembro nito at hindi ng kabuuan ng PNP.
“In this regard, PNP personnel are directed to refrain from sharing misleading content. The Chief PNP has not authorized any fitness instructor to primarily lead a weight loss program for the entire PNP. Social media officers should exercise caution in posting and sharing content to avoid spreading misinformation that may cause confusion,” saad sa memorandum.
Sa pinakahuling interview, sinabi ni PNP spokesperson Brig. Gen. Jean Fajardo na wala siyang alam patungkol sa pagkuha kay Labador bilang fitness coach.
Matatandaan na binalaan ni Torre ang mga pulis na hindi makakapagpapayat para maging ‘physically fit.’ RNT/JGC
