MANILA, Philippines – Ikinatuwa ni Pangulong Ferdinand Marcos Jr. ang umano’y “political reconciliation” sa pagitan niya at ni dating Vice President Leni Robredo.
Kasabay ng pagpirma sa ARAL Law, kinilala ni Marcos si Senate President Francis “Chiz” Escudero, sa pagsasabing masaya siya sa nagawa ng Senate President na makaharap nito si Robredo.
“Senate President Chiz Escudero, who has taken a very important step towards political reconciliation yesterday… Well done. I’m so happy you did that,” nakangiting sinabi ni Marcos.
Si Escudero ang nag-imbita kay Robredo para salubungin ang Pangulo sa inaugurasyon ng Sorsogon Sports Arena.
Nagkita at nagkamayan sina Marcos at Robredo bago magsimula ang event.
Matatandaan na naging magkalaban ang dalawa sa 2016 at 2022 polls. RNT/JGC
