MANILA, Philippines- Sinabi ni Pope Francis na wala sa magandang kalagayan ang demokrasya at hinimok ang mga politiko na iwasan ang “populism” at sa halip ay magtulungan upang bumuo ng mas matibay na lipunan at harapin ang kawalang-interes ng mga botante.
Ang papa ay nasa hilagang-silangang lungsod ng Trieste para sa isang flying visit– ang kanyang ika-apat na paglalakbay sa loob ng Italya sa loob lamang ng dalawang buwan habang siya ay naghahanda para sa isang 12-araw na paglalakbay sa buong Asya sa Setyembre.
Sa isang taunang Roman Catholic convention on social affairs, sinabi ng papa na maraming tao ang nakaramdam na hindi bahagi ng demokrasya, kung saan ang mga mahihirap at mahihina ay naiiwan upang ayusin ang kanilang sarili.
“It is evident that democracy is not in good health in today’s world,” giit ng papa.
Ang isang malusog na demokrasya ay umiiwas sa “dumi ng ideolohiya” at lumayo sa partisanship upang sa halip ay yakapin ang makabuluhang dayalogo, sabi ni Francis.
“Let us not be deceived by easy solutions. Let us instead be passionate about the common good,” aniya.
Sinabi pa ni Pope Francis na mahalagang turuan ang mga bata ng kahalagahan ng democratic values, at nagbabala na “ang kawalang-inters ay isang kanser ng demokrasya.”
Ang kalahating araw na pagbisita sa Trieste ay sumunod sa mga katulad na paglalakbay sa Venice at Verona noong Abril at Mayo, at address sa mga pinuno ng Group of Seven sa southern Italy noong Hunyo—mga pamamasyal na sumubok sa kanyang tibay pagkatapos ng paulit-ulit na mga karamdaman sa nakalipas na taon na kung minsan ay napipilitan siyang bawasan ang kanyang trabaho.
Umiikot ngayon ang papa sa pamamagitan ng wheelchair.
Sa Setyembre, nakatakda siyang lumipad ng mahigit 32,000 km (19,900 milya) sa kanyang paglalakbay sa Indonesia, Papua New Guinea, Timor-Leste, na kilala rin bilang East Timor, at Singapore. Jocelyn Tabangcura-Domenden
