MANILA, Philippines – Napigilan ng mabilis na interbensyon ng pulisya at Moro elders ang posibleng pagdanak ng dugo sa Lanao del Sur.
Kasabay nito ay nasiguro rin ang kaligtasan ng mga bata na nahuli sa naturang law enforcement operation.
Ayon kay Brig. Gen. Romeo Macapaz, director ng Police Regional Office sa Bangsamoro Autonomous Region (PRO-BAR) nitong Martes, Pebrero 25, ang standoff ay nangyari sa Lumba Bayabao, Lanao del Sur nang subukan ng pulisya na magsilbi ng arrest warrant laban sa illegal drug suspects nitong Lunes.
Ang warrant, na inisyu ng Regional Trial Court Branch 8 sa Marawi City, ay para sa dalawang high-value targets na walang inirekomendang piyansa.
Bandang alas-5 ng madaling araw, umusad ang police units para isilbi ang warrant ngunit nagmatigas ang mga suspek na nauwi sa barilan.
“During the exchange, local elders intervened and negotiated the suspects’ surrender to protect the children inside the house from getting caught in the crossfire,” saad sa pahayag ni Macapaz.
Narekober ng mga awtoridad ang M203 rifle, improvised Carbine rifle, Molotov explosive, 40mm rifle grenade, at ammunition mula sa mga suspek.
“This operation highlights the power of community cooperation in ensuring effective law enforcement and public safety,” ani Macapaz. RNT/JGC
