MANILA, Philippines – Inalis na ng Pilipinas ang ban sa importasyon ng birds at bird by-products mula Czech Republic.
Sa pahayag nitong Miyerkules, Hulyo 17, ipinag-utos ni Department of Agriculture (DA) Secretary Francisco Tiu Laurel Jr. ang pag-aalis ng import ban kasunod ng deklarasyon ng naturang bansa na naresolba na ang avian influenza outbreak sa naturang lugar.
Matatandaan na nag-isyu ang DA ng temporary ban sa pag-aangkat ng wild at domestic birds mula Czech Republic, kabilang ang poultry meat, eggs, day-old chicks, at semen noong Marso dahil sa outbreak ng bird flu.
Sa pinakahuling ulat ng Czech Republic sa World Organization for Animal Health, naresolba na ang lahat ng bird flu infections at wala nang naitalang outbreak mula pa noong Mayo 8.
“With all the technical information and documents submitted by their veterinary authorities, the DA is lifting the suspension imposed on the Czech Republic thus any trade from this country may commence again,” sinabi ni Tiu Laurel sa kanyang Memorandum Order No. 30. RNT/JGC
