Bago umalis ang Lakers sa isang 1,750-milya na flight mula Los Angeles papuntang Midwest para sa eksibisyon ng ngayong Biyernes laban sa Milwaukee Bucks, ginamit ni LeBron James ang social media upang tanungin kung ano ang importansiya ng biyahe.
“Pwede bang ipaliwanag sa akin ng isang tao kung bakit tayo sumasakay sa eroplano at papunta sa Milwaukee para sa 1 pre-season game!?!?,” ayon sa post si James sa X noong Miyerkules.
Maglalaro ang Lakers ng anim na larong preseason slate ngayong buwan, at wala sa mga laro ang nasa homecourt.
Nakatakdang maglaro sa road game ang koponan dahil sa nakaplanong pagsasaayos sa Crypto.com Arena.
Kinukumpleto ng gusali ang ikatlong yugto ng major renovation program nito mula noong sumailalim sa rebrand mula sa Staples Center patungong Crypto.com Arena noong 2021.
Dahil dito ang purple-and-gold ay sasabak sa ilang biyahe bago simulan ang regular season ng NBA sa Okt. 22, kapag ang Lakers ay nagho-host ng Minnesota Timberwolves.
Naglaro ang Lakers ng kanilang unang dalawang laro sa preseason sa Palm Desert, California — humigit-kumulang dalawang oras na biyahe sa bus mula sa kanilang practice facility — nitong nakaraang weekend.
Kasunod ng biyahe sa Milwaukee, lalaruin ng Lakers ang kanilang huling tatlong laro sa preseason sa loob ng apat na araw: laban sa Golden State Warriors sa Las Vegas (Martes); sa Phoenix Suns (Okt. 17); at sa Warriors (Oct. 18).
Sa nakalipas na mga taon, ang Lakers ay karaniwang naglalaro ng ilang preseason games sa home, dalawang road games laban sa mga kalaban sa Western Conference at ilang iba pa sa mga non-NBA na lungsod sa mas malawak na rehiyon ng L.A. upang bigyan ang mga tagahanga sa mga lugar tulad ng San Diego at Ontario , California, isang pagkakataon na makita nang personal ang koponan.JC
