MANILA, Philippines – Umaasa ang House prosecution team na matapos ang presentasyon nito sa umano’y maling paggamit ng confidential funds ni Vice President Sara Duterte pagsapit ng Miyerkules, Setyembre 9.
Ayon kay lead prosecutor Rep. Gerville Luistro, mayroon na lamang limang natitirang witness ang naipa-subpoena.
Sa pahayag nitong Linggo, Setyembre 6, sinabi ni Luistro na ang limang natitirang witness ay sina dating Department of Education (DepEd) special disbursing officer (SDO) Edward Fajarda, asawa nito na si DepEd Assistant Secretary Sunshine Charry Fajarda, Philippine Statistics Authority (PSA) Assistant National Statistician Marizza Grande, Police Maj. Jovelyn Magay at empleyado ng Commission on Audit (COA) na si Bresilio Sabaldan.
Tinalakay sa unang impeachment article ang maling paggamit, misappropriation, at irregular liquidation ni Duterte sa P612.5 milyon ng confidential funds, kung saan P500 milyon dito ang sa ilalim ng Office of the Vice President (OVP) at P112.5 milyon sa ilalim ng DepEd nang siya ang kalihim nito hanggang 2024. RNT/JGC
