NAGPAHAYAG ng suporta ang Philippine Tobacco Institute sa isang batas na nakahain sa Kongreso na pipigil sa pagtaas ng iligal na bentahan ng tobacco na nagresulta sa pagbaba ng koleksyon.
Tinukoy ang mga karanasan ng ‘neighboring countries’ o mga kalapit na bansa na nagsuspinde sa taunang pagtaas sa tobacco excise taxes para patatagin ang merkado.
“By pausing the annual excise tax increases, the prices of legitimate products such as cigarettes can stabilize and decrease the incentive for consumers to purchase illicit smuggled products,” ang sinabi ni PTI President Jericho “Koko” B. Nograles sa isinagawa kamakailan na pagdinig ng Senate Ways and Means Committee na nag-iimbestiga sa usapin ng tobacco illicit trade.
Binigyang diin naman ni Senate Ways and Means Committee Chairman, Senator Sherwin Gatchalian ang madaliang pangangailangan na sugpuin ang lumalagong illicit cigarette trade, na nauwi sa tinatawag niyang “lose-lose situation” para sa Pilipinas.
Naharap sa pagtaas ng illicit cigarette trade at pagbaba ng excise tax collections, naghain ang mga lider ng Kongreso, araw ng Martes ng House Bill 11279 upang magpataw ng excise tax increase moratorium sa tobacco para itaboy o ilayo ang mga mamimili mula sa smuggled cigarettes at palakasin ang pagpapatupad laban sa illicit trade.
Ipinanukala ng batas ang pansamantalang one-year suspension ng automatic annual increase na 5% tax na ipinataw sa tobacco products, heated tobacco products, vapor products, tabako, at sigarilyo.
Kabilang sa mga may-akda ng panukalang batas ay sina Deputy Speaker and Isabela 1stDistrict Rep. Antonio “Tonypet” Albano, Deputy Speaker and Ilocos Sur 2ndDistrict Rep. Kristine Singson Meehan, Ilocos Norte 2ndDistrict Rep. Angelo Marcos Barba, Kabayan Party-list Rep. Ron Salo, Ifugao Lone District Rep. Solomon Chungalao, at PBA Party-list Rep. Margarita Nograles-Almario.
“Tobacco excise tax collections have steadily declined year-on-year from PHP 176 billion in 2021 to P130 billion in 2024, even as adult smoking prevalence rose from 19% in 2021 to 24.4% in 2023,” ayon sa data mula sa Food and Nutrition Research Institute.
Tinukoy ni Nograles ang naging karanasan ng Singapore, na nagpatupad ng kahalintulad na moratorium sa loob ng 8 taon, matagumpay na nagpapatatag sa merkado at nagpataas sa kita ng pamahalaan.
Ayon sa isang pag-aaral na inilathala sa World Customs Journal ng mga ekonomistang sina Adrian Cooper at Daniel Witt, itinaas ng Singaporean government ang excise duty taxes sa sigarilyo mula SGD150 kada 1,000 sigarilyo ay naging SGD352 — ang pinakamataas sa Asya noong panahon na iyon. Habang ang kinita mula sa excise collections sa simula ay tumaas, pagkatapos ay bumaba ito ng 20% sa pagitan ng 2003 hanggang 2006.
Sumirit naman ang Illicit trade noong panahon na iyon. Bilang tugon, “the Singaporean government froze excise taxes at 2005 levels and invested heavily in enforcement.”
Ang pagbabago ng diskarte ay humantong sa mga positibong resulta, nanumbalik ang dami ng duty-paid cigarette matapos ang 2006 at ang illicit market share ay bumaba mula sa 22% noong 2006 sa 15.9% noong 2010.
Dahil dito, hinikayat ni Gatchalian ang Department of Finance na magkaroon ng ‘proactive stance’, babala sa lumalaking banta na dulot ng illicit tobacco trade.
Samantala, sinabi naman ni Bureau of Internal Revenue’s Head Revenue Executive Assistant Don Galera, ang kabuuang tobacco excise tax collection noong nakaraang taon ay umabot na sa P134 billion, kinapos sa target collection ng ahensiya na P185 billion noong 2023.
Sinabi pa ni Gatchalian ang nakababahalang kalakaran sa tumataas na volume o dami ng illicit tobacco na nakukumpiska sa kabila ng pinaigting na pagpapatupad, binigyang-diin ang pangangailangan ng mga bagong diskarte para tugunan ang illicit trade at tiyakin ang matatag na daloy ng mga kita. Kris Jose