Home NATIONWIDE Recruitment ng ‘Chinese firms’ ng mga sundalong Pinoy, iniimbestigahan ng AFP

Recruitment ng ‘Chinese firms’ ng mga sundalong Pinoy, iniimbestigahan ng AFP

MANILA, Philippines – Iniimbestigahan na ng Armed Forces of the Philippines (AFP) ang mga ulat ng mga hinihinalang Chinese firm na nagre-recruit umano ng mga dati at aktibong Filipino military personnel.

“We are still checking this. Yes, we are still in the process of checking this,” pahayag ni AFP chief General Romeo Brawner Jr.

Kamakailan ay sinabi ng Department of Information and Communications Technology (DICT) na may mga hinihinalang Chinese companies na nagpapanggap na American o European enterprises ang nagrerecruit ng mga sundalong Pinoy.

Ani DICT Undersecretary for Cybersecurity and Upskilling Jeffrey Ian Dy, ang mga ito ay nag-aalok sa kanilang mga target Filipino recruits ng part-time jobs bilang analysts online.

“Sasabihin nila they came from Western [countries, that] they are organizations from parang European or American,” sinabi ni Dy.

“Pero kapag tinignan mo, meron kasing facility sa internet na ang tawag WHOIS para malaman mo kung kanino registered yung mga domain name, ‘yung pangalan ng website, makikita mo na naka-register sila mga companies na Chinese companies,” dagdag ng opisyal.

Daan-daang dolyar kada oras ang alok para sa mga trabahong ito, aniya.

Dahil dito ay inabisuhan ng DICT ang Philippine military na maging alerto at huwag masisilaw sa mga job offer na ito. RNT/JGC