Remulla pinangalanang ‘highest paid’ Cabinet member noong 2023

MANILA, Philippines- Nakatanggap si Justice Secretary Jesus Crispin Remulla ng pinakamalaking sahod at allowances mula sa lahat ng Cabinet members noong 2023 sa halagang mahigit P7 milyon, ayon sa Commission on Audit (COA).

Batay sa 2023 Report on Salaries and Allowances Received by Principal Officers and Members of the Governing Boards of Government Corporations and their Subsidiaries ng COA, at sa Secretaries, Undersecretaries, Assistant Secretaries and Other Officials of Equivalent Rank of the National Government Agencies na inilabas ng state auditors, si Remulla ang highest paid sa lahat ng Cabinet members sa P7.07 milyon, sinundan ni Special Assistant to the President 2 with the rank of Secretary Antonio Lagdameo, Jr. sa P6.98 milyon.

Ikatlo naman si Secretary Renato Solidum, Jr. ng Department of Science and Technology sa P6 milyon, sinundan ni Department of Public Works and Highways chief Manuel Bonoan sa P5 milyon.

Nasa ika-limang pwesto naman si Presidential Assistant 2 Leo Magno, na may ranggo ring Secretary, sa P4.96 milyon.

Kumumpleto sa top 10 highest cabinet members sina:

• Labor Secretary Bienvenido Laguesma sa P4.93 milyon

• Energy Secretary Raphael Lotilla sa P4.758 milyon

• Information and Communications Technology Secretary Ivan Uy sa P4.750 milyon

• Foreign Affairs Secretary Enrique Manalo sa P4.7 milyon at 

• Social Welfare and Development chief Rex Gatchalian sa P4.68 milyon. 

Sumunod sa listahan sina Finance chief Benjamin Diokno sa P4.678 milyon at Human Settlements and Urban Development Secretary Jose Acuzar sa P4.671 milyon.

Kabilang din sa iba pang Cabinet members na nakatanggap ng mahigit P4 milyon sa loob ng isang taon sina:

• Budget and Management chief Amenah Pangandaman sa P4.66 milyon

• Transportation Secretary Jaime Bautista sa P4.648 milyon

• Agrarian Reform Secretary Conrado Estrella III sa P4.646 milyon

• Secretary Cheloy Garafil of the Presidential Communications Office sa P4.63 milyon

• Secretary/ Presidential Adviser on Legislative Affairs Mark Mendoza of the Presidential Legislative Liaison Office sa P4.57 milyon

• Tourism Secretary Christina Frasco sa P4.56 milyon

• Environment and Natural Resources Secretary Maria Loyzaga sa P4.51 milyon

• Secretary Arsenio Balisacan ng National Economic and Development Authority sa P4.5 milyon

• Secretary Guiling Mamondiong ng National Commission on Muslim Filipinos sa P4.48 milyon

• Interior and Local Government chief Benjamin Abalos, Jr. sa P4.45 milyon

• Trade and Industry Secretary Alfredo Pascual sa P4.39 milyon at 

• Secretary Lope Santos III ng National Anti-Poverty Commission sa P4.18 milyon.

Nakatanggap naman si Secretary Hans Cacdac ng Department of Migrant Workers, na itinalaga lamang na opisyal na Kalihim noong April 25 kasunod ng pakamatay ni dating DMW chief Susan Ople, ng P3.44 milyon.

Nakapagtala naman si Defense Secretary Gilbert Teodoro Jr. na itinalagang Defense chief kasunod ng maiksing panunungkulan ni Carlito Galvez, Jr., ng P2.63 milyong sahod at allowances.

Nakatanggap din si Technical Education and Skills Development Authority Director General/Secretary Suharto Mangudadatu ng P2.52 milyong sahod, na bahagya lamang mas mataas kay Health Secretary Ted Herbosa sa P2.44 milyon.

Itinalaga lamang sina Teodoro, Mangudadatu at Herbosa sa kanilang pwesto bilang Kalihim noong June 2023.

Samantala, nakapagtala lamang si Education Secretary Sara Duterte, siya ring Bise Presidente,  ng P558,000 na salaries at allowances.

Si Agriculture chief Francisco Tiu Laurel, itinalaga sa kanyang pwesto noon lamang November 2023, ang lowest paid sa Cabinet members sa mahigit P418,000. RNT/SA