MANILA, Philippines- Pinayuhan ni Justice Secretary Jesus Crispin “Boying” C. Remulla ang mga piskal na mahigpit na sundin ang ethical standards at professional conduct na inaasahan sa pagtupad ng kanilang trabaho.
Inilabas ng kalihim ang Department Circular No. 005 series of 2024, na nagpapatupad ng guidelines hinggil sa pag-inhibit ng mga piskal upang matiyak na hindi maaakusahan na may kinikilingan sa mga proceeding.
“I urge our prosecutors to discharge their duties vigorously and in an objective manner to maintain public trust and confidence in the legal system,” ani Remulla.
Batay sa circular, ang inhibition ay maaring mandatory o boluntaryo.
Ang mga public prosecutor ay sapilitang hindi dapat makibahagi sa pagdinig kapag mayroong conflict of interest at kung may dahilan na mapagdudahan ang impartiality ng isang piskal.
Samantala, boluntaryo dapat mag-inhibit ang prosecutor kung sa pasya nito ay nararapat para maiwasan ang ‘miscarriage of justice.’
“The prosecutor shall at the earliest opportunity, ascertain the grounds for inhibition, make immediate disclosure, and inhibit, when applicable.”
Sa sandaling nagdesisyon ang prosecutor na mag-inhibit, kinakailangan nitong magsumite ng sinumpaang memorandum sa pinuno ng kaukulang prosecution office.
“I assure the public especially the parties to the case that the wheels of justice continue to grind regardless of the prosecutor assigned to your case,” nakasaad sa circular. Teresa Tavares
