MANILA, Philippines – Sasailalim sa Judicial and Bar Council (JBC) interview si Justice Secretary Jesus Crispin Remulla sa Setyembre 2, 2025 para sa posisyon sa Ombudsman.
Ang serye ng public interview para sa mga kandidato para mapunan ang pwesto sa Ombudsman ay mula Agosto 28 hanggang sa a-dos ng Setyembre.
Gaganapin ito sa Supreme Court (SC) En Banc Session Hall.
Si SOJ Remulla ay sasalang alas 9 ng umaga sa Martes, Setyembre 2.
Ang pagsasagawa ng public interview sa mga kandidato para sa Ombudsman ay bahagi ng proseso ng pagpili ng kapalit ni Ombudsman Samuel Martires na nagretiro noogn Hulyo 27.
Kumpletong iskedyul ng JBC interviews:
* Agosto 28: Philippine Competition Commission chaiir Michael Aguinaldo, Romeo Benitez, private practice lawyer Jonie Caroche-Vestido, Court of Appeals Associate Justice Bautista Corpin Jr., at Philippine Postal Corporation chair Stephen Cruz
* Agosto 29: Sandiganbayan Presiding Justice Geraldine Faith Econg, Commission on Human Rights Commissioner Beda Epres, SC Associate Justice Samuel Gaerlan, at former Bureau of Internal Revenue commissioner Kim Jacinto-Henares
* Setyembre 1: Office of the President deputy secretary for legal affairs Anna Liza Logan, retired SC Associate Justice Mario Lopez, former PDP Laban secretary-general Melvin Matibag, at Sandiganbayan Associate Justice Michael Frederick Musngi
* Setyembre 2: Justice Secretary Remulla, Philippine Charity Sweepstakes Office chair Felix Reyes, Municipal Trial Court Judge Jason Rodenas, at former Regional Trial Court Judge Benjamin Turgano.
Ilalabas naman ang recordings ng lahat ng panayam matapos makumpleto ang mga ito sa Setyembre 2, ayon sa SC Office of the Spokesperson. Jocelyn Tabangcura-Domenden
