#RoadAlert: Mabagal na trapiko ibinabala sa pagbyahe ng subway machine

MANILA, Philippines – Nag-abiso ang Department of Transportation (DOTr) sa mga motorista sa posibleng pagbagal ng trapiko sa ilang kalsada sa Metro Manila habang ibinabyahe ang tunnel boring machine ng Metro Manila Subway Project sa weekend.

Ayon sa DOTr maaaring makaranas ng pagbagal trapiko ang mga motorista simula alas-10 ng gabi hanggang 4 a.m. ng Abril 12 hanggang 13 at Abril 14 hanggang 15, 2024 dahil sa transportasyon ng makina.

Sapul ang sumusunod na daan:

-R10 Road (10 p.m.)
-5th Avenue (11 p.m. – 12 m.n.)
-Gen. Araneta Avenue (12 m.n. – 1 a.m.)
-Gilmore Avenue (1 a.m. – 2 a.m.)
-Ortigas Avenue – C5 Road (2:30 a.m. – 3:30 a.m.)
-Doña Julia Vargas Avenue (3:30 a.m. – 4 a.m.)

Pinapayuhan naman ang mga motorista na dumaan sa mga alternatibong ruta. Santi Celario