MANILA, Philippines – Nagpaabot ng pagbati ni House Speaker Martin Romualdez sa ika 68 kaarawan ni Pangulong Bongbong Marcos.
Sa kanyang birthday message para sa Pangulong Marcos sinabi ni Romualdez na ang uri ng pamumuno nito ay maghahatid ng legacy at ang hangad nitong Bagong Pilipinas ay pakikinabangan ng mga susunud pang henerasyon.
“Mr. President, your leadership has inspired unity and resolve at a time when our nation faces both challenges and opportunities. Sa bawat hakbang ng Bagong Pilipinas, ramdam ng bawat Pilipino ang direksyon at kalinga na inyong itinataguyod,” ani Romualdez.
Sinabi nito na ang Kongreso ay mananatiling kapartner ng Malacanang sa pagpasa ng mga mahahalagang panukala para sa ikauunlad ng bansa.
“We in Congress remain deeply honored to work alongside you in pushing reforms that will improve lives, create jobs and expand opportunities for all,” paliwanag nito.
“The achievements of your administration – whether in infrastructure, digital transformation or social protection – are pillars that bring us closer to a nation that is stronger, fairer and more prosperous,” dagdag pa ni Romualdez.
Hangad ni Romualdez na magkaroon ng maayos na kalusugan ang Pangulo para na rin patuloy na magampanan ang tungkulin sa bayan.
“As you mark another year of life and service, we pray for your good health and wisdom, so you may continue to guide the Philippines with clarity and strength. Ang bawat panalangin ng sambayanang Pilipino ay nawa’y magbigay sa inyo ng tibay ng loob at lakas ng pangangatawan,” giit nito.
“Maligayang kaarawan, Mr. President! May this day remind you of the immense gratitude of the nation you serve and the continuing trust of the Filipino people,” pagtatapos pa nito. /Gail Mendoza
