MANILA, Philippines- Sinabi ng embahada ng Russia sa Manila nitong Miyerkules na hindi lumabag ang submarine nitong dumaan sa South China Sea at sa exclusive economic zone ng Pilipinas sa international law.
Dagdag nito, ang vessel ay nagkaroon ng radio contact sa Philippine authorities at inihayag na “she has no unscrupulous intentions.”
“In accordance with the 1982 UN Convention on the Law of the Sea (UNCLOS) in the exclusive economic zone, all merchant vessels and warships, including submarines, enjoy freedom of navigation as on the high seas,” pahayag ng embahada.
“The are no signs of violation of international law in the actions of the Russian submarine,” patuloy nito.
Ayon sa Philippine officials, nagpakilala ang Russian submarine sa Philippine Navy radio inquiry, kung saan sinabing pauwi na ito sa Russian eastern city ng Vladivostok kasunod ng joint naval drills sa Malaysia.
Tulad ng ibang foreign ships, ang submarine ay may karapatan sa “innocent passage,” subalit ikinabahala ng Philippine officials, kabilang ni Pangulong Ferdinand Marcos Jr., nang maglayag ito 80 nautical miles o 148 kilometro sa lalawigan ng Mindoro.
Sinabi ni National Security Council assistant director-general Jonathan Malaya na namataan ang submarine nang lumitaw ito dahil sa “weather-related” conditions.
Nag-deploy ang Philippine military ng navy ship at air force planes upang sundan ang Russian submarine.
Nanindigan naman ang Russian diplomats sa Manila na legal ang pagkilos ng submarine, iginiit na tumalima ito sa international law at nirespeto ang “sovereign rights and jurisdiction of the coastal state in this maritime space.” RNT/SA
