MANILA, Philippines- Sinabi ng Presidential Communications Office nitong Miyerkules na nakipagkita si Pangulong Ferdinand “Bongbong” Marcos Jr. sa ilang House lawmakers sa Malacanang.
“The gathering is meant to be a fellowship between the Office of the President and members of the House of Representatives which was already scheduled some time ago,” pahayag ng PCO.
“The event is for close in coverage only,” dagdag nito.
Wala nang ibinigay na ibang detalye ang PCO.
Naganap ang nasabing pagtitipon sa gitna ng impeachment complaints na isinampa laban kay Vice President Sara Duterte.
Nauna nang inihayag ni Marcos na hindi niya susuportahan ang anumang impeachment complaint laban kay Duterte. RNT/SA
