AMERIKA – Sinabi ni US President Donald Trump, nagte-test ng nuclear weapons ang Russia at China, hindi lamang ang North Korea, sa isang panayam sa CBS News’ 60 Minutes.
Inihayag ni Trump ang pahayag tatlong araw matapos niyang utusan ang US military na ipagpatuloy ang testing ng nuclear weapons, na na-suspend ng higit sa 30 taon.
Binanggit niya na hindi niya balak gamitin ang mga armas nukleyar, ngunit kailangan ang testing upang masiguro na gumagana ang mga ito.
Binigyang-diin din niya ang kapangyarihan nukleyar ng US, na may sapat na armas upang sirain ang mundo nang 150 beses, habang sinabi na nasa ikalawa ang Russia at ikatlo ang China sa dami ng nuclear weapons, at mabilis na dinadagdagan ng China ang kanilang arsenal. RNT
