San Carlos TODA full support sa FPJ Panday Bayanihan Partylist

MANILA, Philippines – Kasabay sa pag-gunita ng ika-20 taong pagpanaw ni Fernando Poe Jr., naglabas ng Manifesto of Support ang 86 president ng Tricycle Operator and Drivers Federation ng San Carlos City.

Sa harap ni City Mayor Julier Rusuello at Dr. Brian Poe, unang nominado ng FPJ Panday Bayanihan Partylist, binasa ni Saturnino Sanchez, Federation President ang pahayag ng suporta ng lahat ng TODA sa lungsod.

“Mahal namin si FPJ, saludo kami sa mga batas at programang naisulong ni Senator Grace Poe, dama namin ang kabutihan at karunungan ni Dr. Brian Poe, umaasa kaming magtutuloy ang mga pangarap at adbokasiya ni FPJ” ani TODA Federation President Mr. Sanchez.

Dagdag pa nya, “mula sa aming tahanan hanggang sa lahat ng mananakay, isusulong namin ang kampanya upang matiyak ang pagkapanalo ng FPJ Panday Bayanihan Partylist”.

Nanawagan din ang TODA Federation ng katulad na suporta mula sa kapwa federation sa ibat-ibang bayan ng lalawigan. RNT