MANILA, Philippines – Nakakuha ang Commission on Higher Education (CHED) ng P56.66 million upang masiguro na magpapatuloy ang scholarship na suporta para sa mga estudyante na hangad na maipagpatuloy ang medical technology at pharmacy para sa Academic Year 2026–2027.
Saklaw ng pagpopondo mula sa Higher Education Development Fund (HEDF) ang 238 nagpapatuloy nan iskolar para sa second semester ng AY 2025–2026 at iskolar first semester ng AY 2026–2027 sa ilalim ng Scholarship Program for Future Medical Technologists and Pharmacists (MTP-SP).
Sinabi ng CHED na ang hakbang ay naglalayon na tulungan ang mga existing scholars na kompletuhin ang kanilang degrees at kalaunan ay makapag-ambag sa healthcare workforce sa bansa.
Sinabi ni CHED chairperson Shirley Agrupis na ang komisyon ay committed na suportahan ang kasalukuyang mga iskolar habang dine-debelop ang susunod na henerasyon ng medical technologists at pharmacists.
Nagbibigay naman ang MTP-SP ng financial assistance sa mga kuwalipikadong Filipino students na naka-enroll sa BS Medical Technology/Medical Laboratory Science at BS Pharmacy na kasama sa mas mataas na education institutions.
Sa ilalim ng programa, “scholars are required to render one year of government service for every year of scholarship received after passing their respective licensure examinations, in accordance with Department of Health guidelines.”
Sinabi ng CHED na pinahihintulutan ng nasabing return-service requirement ang scholarship program na tumulong na tugunan ang pangangailangan ng bansa para sa licensed healthcare workers, partikular na sa public health sector.
Para sa AY 2025–2026, may 13 MTP-SP iskolar ang inaasahan na ga-gradweyt, apat mula sa Medical Technology/Medical Laboratory Science at siyam naman mula sa Pharmacy.
Kapag naipasa ang kanilang licensure examinations, maaari nang simulan ng mga gradweyt na tupdin ang kanilang return-service obligations.
Sinabi ng CHED na gagamitin nito ang available program funds para iprayoridad ang 71 ongoing scholars mula sa pinakamahirap na sambahayan at special equity groups.
Ang natitirang iskolar na may financial requirements na may kabuuang P56,663,250 ay susuportahan naman sa pamamagitan ng HEDF.
Sinabi ng CHED na “the use of the HEDF is consistent with the FY 2026 General Appropriations Act, which directs the commission to consider the full requirements of existing scholars when programming the fund to ensure continuity of their financial assistance.”
Winika pa ng komisyon na ang iprayoridad ang existing scholars ang magiging dahilan para payagan ang mga ito na ipagpatuloy ang kanilang pag-aaral at “move closer to licensure and eventual service” sa healthcare system ng bansa. (KRIS JOSE)
