MANILA, Philippines – Binuksan na sa mga maliliit na sasakyan ang Pasig-Potrero Bridge sa Porac, Pampanga sakop ng Subic-Clark-Tarlac Expressway (SCTEX).
Ito ang inanunsyo ng NLEX Corporation, gabi ng Lunes, Agosto 7.
“Class 1 vehicles may now pass through the innermost lanes (lane 1) of the SCTEX Pasig Potrero Bridge in Porac, Pampanga. Class 2 and class 3 vehicles are advised to take alternate routes while embankment works are still ongoing,” sinabi ng kompanya.
Ayon sa NLEX, ang tulay ay binuksan sa mga maliliit na sasakyan gaya ng kotse, sports utility vehicles, van at iba pang maliit na four-wheeled vehicles.
Matatandaan na matagal na isinara ang SCTEX Pasig-Potrero Bridge dahil sa malakas na daloy ng tubig na dulot ng malalakas na pag-ulan dahil sa habagat, at bagyong Egay.
Nagpapatuloy pa rin ang embankment works sa tulay simula pa noong Hulyo 19. RNT/JGC
