MANILA, Philippines – Sinabi ng Philippine National Police (PNP) na aarestuhin nila si Sen. Ronald “Bato” dela Rosa kung magpapakita siya sa impeachment trial ni Vice President Sara Duterte sa Senado.
Ayon kay PNP public information chief Col. Allen Rae Co, may utos ang PNP na ipatupad ang warrant of arrest laban kay Dela Rosa kaugnay ng kaso sa International Criminal Court (ICC) tungkol sa war on drugs ng dating Pangulong Rodrigo Duterte.
Nauna nang nagtago si Dela Rosa matapos muling magpakita sa Senado noong Mayo. Bumalik siya sa pagtatago matapos umalis sa Senado noong Mayo 14.
Samantala, magsisimula ang impeachment trial ni Vice President Sara Duterte sa Hulyo 6, kaugnay ng mga alegasyon ng maling paggamit ng pondo, hindi maipaliwanag na yaman, panunuhol, at pagbabanta sa buhay ni Pangulong Ferdinand Marcos Jr.
Sinabi rin ng PNP na magpapakalat sila ng sapat na bilang ng mga pulis upang matiyak ang mapayapa at maayos na pagdaraos ng paglilitis. Wala rin umano silang nakikitang beripikadong banta sa seguridad ng impeachment trial sa ngayon. RNT/MDS
