MANILA, Philippines – Nangako ang Senado na aalisin nito ang lump-sum funds sa 2027 national budget, ayon kay Senate President Sherwin Gatchalian.
Ito ay kasunod ng ruling ng Korte Suprema na nagdedeklara sa ilang probisyon ng 2024 at 2025 national budgets bilang unconstitutional.
Naglabas din ng desisyon ang SC sa probisyon na nagpapahintulot sa unprogrammed appropriations sa 2026 budget.
“The bottom line is that the Supreme Court said appropriations cannot exceed the budget proposed by the president,” sinabi ni Gatchalian sa panayam ng DZBB.
“For 2027, we will ensure that there are no lump-sum funds because they are unconstitutional,” dagdag pa niya.
Aniya, malaking bahagi ng 2024 at 2025 budgets ay inilaan sa Strengthening Assistance for Government Infrastructure and Social Programs (SAGIP), na natukoy bilang source ng funding para sa flood control projects.
Sa kabila nito, sinabi ni Gatchalian na ang
unprogrammed appropriations ay mananatili sa budget, basta’t ito ay tutugon sa mga kondisyon na itinakda ng Korte Suprema.
“There will still be unprogrammed appropriations. The Supreme Court did not say these are prohibited or unconstitutional. It merely set parameters, which we will follow,” anang senador.
Mahigpit din na susuriin ng Senado ang alokasyon para sa foreign-assisted projects, na binawasan at ang pondo ay inilipat sa unprogrammed appropriations.
“This is the funding used to build subways and railways. It is important because, without funding, we cannot complete these projects,” ani Gatchalian.
“That is something we are studying carefully. I believe next year’s projects are important because we need to accelerate economic growth,” dagdag pa niya.
Ayon sa senador, ang unprogrammed appropriations ay bumubuo sa 2% hanggang 5% ng total national budget. RNT/JGC
