MANILA, Philippines – Nagsagawa ng security inspection ang Senate Sergeant-at-Arms at Philippine National Police (PNP) sa Senado bilang paghahanda sa papalapit na impeachment trial ni Vice President Sara Duterte sa Lunes, Hulyo 6.
Pinangunahan ang inspeksyon nina Senate Sergeant-at-Arms at retired Police Major General Alfred Sotto Corpuz, kasama ang mga opisyal ng PNP Police Security and Protection Group (PSPG).
Ininspeksyon ng mga awtoridad ang Senate complex bilang bahagi ng security preparations.
Ayon sa mga opisyal, idedeploy ang karagdagang mga pulis sa paligid ng Senado at palalakasin ang seguridad at pagsiguro sa kapayapaan at kaayusan habang nagpapatuloy ang mga paglilitis.
Ang impeachment trial ay magsisimula alas-2 ng hapon sa Lunes, Hulyo 6.
Ito ay isasagawa mula Lunes hanggang Miyerkules, alas-2 ng hapon, bago ang ikalimang State of the Nation Address (SONA) ni Pangulong Ferdinand “Bongbong” Marcos Jr. sa Hulyo 27. RNT/JGC
