Lito Lapid nangakong mas magsisipag pa

MANILA, Philippines – Nangako si Senator-elect Lito Lapid na mas magsisipag pa sa paglilingkod sa taumbayan.

Ito ay kasabay ng pagproklama sa kanya bilang senador nitong Sabado, Mayo 17.

“You can expect that, in my fourth term, I will do everything I can and work harder,” sinabi ni Lapid sa kanyang speech.

Si Lapid ay nasa ika-11 pwesto sa senatorial race sa 13,394,102 boto.

Pinasalamatan naman nito si Pangulong Ferdinand Marcos Jr. sa pagsuporta sa kanyang kandidatura.

Kabilang si Lapid sa 11-man administration-backed na Alyansa Para sa Bagong Pilipinas slate.

Samantala, nangako rin siya na lilikha ng mga batas na makikinabang ang mga mahihirap. RNT/JGC