SAN JUAN CITY – Isang 63 taong gulang na babae, na kinilala sa alyas na Mami, ang naaresto sa isang buy-bust operation sa isang mall sa Barangay Greenhills noong Biyernes (Agosto 8), kung saan nakumpiska ang tinatayang 200 gramo ng methamphetamine hydrochloride (shabu).
Ayon sa PDEA Bulacan Provincial Office, tatlo pang suspek ang nahuli kasama niya, na kinilalang sina: alyas Jon, lalaki, 27 taong gulang; alyas Lou, lalaki, 19 taong gulang; at alyas Yael, lalaki, 25 taong gulang.
Nakarekober ang mga operatiba ng dalawang (2) plastic sachet na nakatali at naglalaman ng 200 gramo ng shabu, pati na rin ang marked money na ginamit ng undercover agent.
Ayon sa PDEA, si Mami ay sangkot sa malawakang pamamahagi ng shabu sa San Juan at mga karatig lugar sa probinsya ng Bulacan.
Ang mga nakumpiskang iligal na droga ay ipapadala sa PDEA RO3 laboratory para sa forensic examination.
Ang pinagsanib na operasyon ay kinabibilangan ng pagtutulungan mula sa PDEA Provincial Offices sa Bulacan at Bataan, PDEA NCR, at PNP Drug Enforcement Unit sa San Juan City.
Ang mga suspek ay sasampahan ng kasong non-bailable sa ilalim ng seksyon 5 (pagbebenta ng mapanganib na droga) na may kaugnayan sa seksyon 26B (sabwatan para magbenta ng droga) ng Republic Act 9165. Ang seksyon 5 ay may parusang habang buhay na pagkabilanggo at multa na mula Php 500,000.00 hanggang Php 10,000,000.00. DANNY QUERUBINÂ
