CAMP FLORENDO, La Union- Patay ang isang 65-anyos na babae matapos paghahampasin sa ulo gamit ang kawayan ng kanyang nakababatang kapatid na lalaki sa Barangay Lipit, Manaoag, Pangasinan nitong Biyernes ng hapon.
Kinilala ng mga pulis ang biktima na si Leticia Soriano-Idor.
Batay sa imbestigasyon, dumaraan si Idor sa harap ng bahay ng suspek na si Antonio Soriano, 55, nang bigla siyang atakihin nito.
Tumakas si Antonio habang dinala si Leticia sa ospital kung saan siya idineklarang patay dahil sa fatal head injuries.
Batay sa mga awtoridad, naaresto ang suspek sa isang pursuit operation.
Narekober ang kawayang ginamit sa krimen at dinala na sa istasyon ng pulis para sa wastong disposisyon.
Ayon sa mga pulis, ang motibo ang insidente ay matagal nang alitan sa pagitan ng magkapatid. RNT/SA
