Senior utas sa bigti

ILOCOS SUR-Patay ang isang 67-anyos na lalaki matapos magbigti sa Brgy. Ansad, San Esteban ng lalawigang ito kahapon, Nobyembre 22.

Natagpuan ang biktimang may tali ang leeg na nakabitin sa loob ng kusina ng bahay ng kanyang kapatid na lalaki.

Ang pamangkin nitong babae ang nakadiskubre sa nakabitin na katawan ng kanyang tiyuhin.

Nang dumating ang mga otoridad at mga RHU personnel, agad nilang isinugod ang biktima sa Ilocos Sur District Hospital sa Narvacan, Ilocos Sur.

Gayunman, ang biktima ay idineklarang dead-on-arrival ng umatending doktor.

Ayon sa pamilya nito, ang biktima ay nakararanas umano ng mental depression. Rolando S. Gamoso