MANILA, Philippines – Inanunsyo ng Department of Labor and Employment (DOLE) nitong Miyerkules, Mayo 22 na magsisimula sa Huwebes ang serye ng konsultasyon para sa susunod na minimum wage round sa National Capital Region (NCR).
Sinabi ng DOLE sa isang pahayag na ang mga konsultasyon sa sektor ng paggawa at employer sa Metro Manila ay magaganap sa Mayo 23 at Hunyo 4, ayon sa pagkakasunod.
Samantala ang pampublikong pagdinigay inaasahan sa Hunyo 20.
Matapos ang konsuktasyon, magpapasya ang NCR Regional Tripartite Wages and Productivity Board (RTWPB) sa pagiging angkop ng pagsasaayos ng pinakamababang sahod para sa rehiyon.
Sinabi ng DOLE na ang mabilis na pagsasagawa ng mga konsultasyon ay naaayon sa panawagan ni Pangulong Ferdinand Marcos Jr. sa RTWPBs sa kanyang talumpati sa Araw ng Paggawa na simulan ang napapanahong pagsusuri sa mga antas ng minimum na sahod sa rehiyon “sa loob ng 60 araw bago ang anibersaryo ng kanilang pinakabagong sahod order.”
Kasunod ng direktiba ni Marcos, ang DOLE, sa pamamagitan ng National Wages and Productivity Commission (NWPC), ay naglabas ng resolusyon noong Mayo 6 na nag-uutos sa RTWPBs na simulan ang pagrepaso sa minimum wages.
Ang kasalukuyang wage order para sa pribadong sektor ng manggagawa sa Metro Manila ay magkakabisa sa Hulyo 16, 2023.
Ang pinakahuling utos ay nagtakda ng minimum na sahod sa P610 para sa mga manggagawa sa non-agriculture sector at P573 para sa mga manggagawa sa sektor ng agrikultura, mga service/retail establishments na nagpapatrabaho ng 15 manggagawa o mas mababa, at mga manufacturing establishment na regular na gumagamit ng mas mababa sa 10 manggagawa.
Sinabi ng DOLE na ang ibang mga rehiyon ay inatasan na patatagin ang kanilang iskedyul ng mga konsultasyon at pagdinig, na naaayon sa direktiba ng Pangulo at sa mga implementing rules and regulations na inilabas ng NWPC. Jocelyn Tabangcura-Domenden
