MANILA, Philippines- Nagpalabas ng show cause order ang House TriComm laban sa ilang social media personalities na hindi dumalo sa imbestigayon ukol sa online disinformation at fake news.
Kabilang sa inisyuhan ng show cause order ay si Presidential Communications Operations Office (PCOO) chief Trixie Cruz-Angeles, Elizabeth Joie Cruz; Krizette Lauretta Chu, Mark Anthony Lopez, Jun Abines Jr., Dr. Richard Tesoro Mata, Aaron Peña, Suzanne Batalla (IamShanwein) at Ethel Pineda.
Ang mga nabanggit na social media personalities ay nagpadala ng liham na nagpapaliwanag ng hindi nila pagdalo subalit hindi kinatigan ng komite kaya nagmosyon si Manila Rep. Bienvenido “Benny” Abante na magpalabas ng show cause order laban sa mga nabanggit.
Partikular na tinukoy ng komite ang naging liham ni Angeles na nagsasaad na hindi ito dadalo sa pagdinig sa basehang “unconstitutional” ang isinasagawang inquiry.
Ikinairita ni Abang Lingkod Partylist Rep Joseph Stephen Paduano ang katwiran ni Angeles na hindi umano gawain ng isang abogado.
Bunga nito, hiniling ni Paduano sa House Legal department na tignan ang maaaring maging basehan para sa disbarment laban kay Angeles.
“She is an officer of the court… and she should respect the Constitutional duty of Congress. I respectfully move that we will consult the legal department of this House for a possible disbarment case against Atty. Trixie Angeles,” pahayag ni Paduano. Gail Mendoza