MANILA, Philippines – Naglabas ang Commission on Elections (Comelec) ng show cause orders (SCOs) laban sa 27 contractor na napatunayang nag-ambag sa campaign fund ng mga pulitiko noong May 2022 polls.
Sinabi ni Comelec Chairperson George Garcia na ang mga SCO ay naipadala na sa mga pribadong contractor noong Lunes.
Ayon kay Garcia, baka sa susunod na linggo ay ipapatawag na silang lahat.
Dagdag pa, sisimulan na rin sa susunod na linggo ang pagsusumite ng kanilang counter affidavit, bilang sagot sa mga posibleng isyu at alegasyon laban sa kanila.
Binigyan naman ng 10 araw ang mga contractor na sumagot.
Maari nilang isumite ang kanilang affidavit sa Political Finance and Affairs Department (PFAD).
Ang 27 contractor ay ang Yunakim Construction, AIP Construction, Centerways Construction and Development Inc., 11-16 Construction, Prismodial Construction and Development Corporation, Makiling Construction Ventures Corp., Viking Construction and Supplies, DN’D Construction and Development, Octagon Concrete Solutions Inc., Jozen Builders and Construction Supply Corporation, Aqualine Construction Corporation, R8 Asphalt Plant and Construction Inc., EZJONES Construction Inc., JELM Construction, MWJ Construction, XDR Construction and Supply, Viguz Construction Corporation, Everbuilt Construction, GOC Builders, PAFJ Construction and Supply Inc., AL Salazar Construction Inc., EF Chua Construction Inc., JWU Construction and Supply, DG Chico Trading and Construction, Gateway 21-25 Construction Corp., Tagum Builders Contractors Corp., at GP&H Construction Incorporated.
Sinabi ni Garcia na ang susunod na bibigyan ng SCO ay ang mga kandidatong nakatanggap umano ng donasyon mula sa mga contractor na ito. Jocelyn Tabangcura-Domenden
