Signal No. 1 itinaas sa ilang parte ng Cagayan, Isabela, Catanduanes kay ‘Leon’

MANILA, Philippines- Itinaas ang Tropical Cyclone Wind Signal No. 1 nitong Lunes sa ilang bahagi ng Cagayan, Isabela, at Catanduanes dahil kay Tropical Storm Leon (international name: Kong-Rey), base sa PAGASA.

Pinairal ang TCWS No. 1 nitong alas-5 ng umaga sa:

• eastern portion ng mainland Cagayan (Santa Ana, Lal-Lo, Gattaran, Baggao, Santa Teresita, Gonzaga, Peñablanca);

• eastern portion ng Isabela (Maconacon, Divilacan, Ilagan City, San Pablo, Cabagan, Tumauini, Palanan, San Mariano, Dinapigue); at

• northeastern portion ng Catanduanes (Pandan, Bagamanoc, Panganiban, Viga).

Nakaamba sa mga nasabing lugar ang malakas na hangin na may bilis na 39 hanggang 61 km/h sa loob ng 36 oras, na maaaring magdulot ng “minimal to minor threat to life and property.”

Hanggang nitong alas-4 ng umaga, namataan ang sentro ni Leon tinatayang 840 km sa silangan ng Central Luzon.

Si Leon ay may maximum sustained winds na 85 km/h malapit sa sentro, gustiness hanggang 105 km/h, at central pressure na 990 hPa.

Kumikilos ito sa westward direction sa bilis na 10 km/h. RNT/SA