MANILA, Philippines – Umapela ang isang mambabatas sa mga local government units na tulungan ang mga pangangailangan ng mga estudyante sa kanilang online class requirements kasabay ng pagpayag ng Commission on Higher Education sa online class sa Higher Education Institutions (HEIs) hanggang sa pagtatapos ng Academic Year 2025–2026 bunsod ng nararanasang krisis sa mataas na presyo ng langis.
Ayon kay Solid North Partylist Rep Ching Bernos malaki ang maitutulong ng mga LGU para suportahan ang mga estudyante sa kanilang online classes pangunahin na ang pagestablisa ng free wifi hubs, internet voucher systems and subsidies, pamamahagi ng tablets, cellphones at laptops.
“I hope that our LGUs support our students who lack resources to ensure that they are not left behind in their studies. Kailangan natin bantayan ito. This national crisis must not become an education crisis,” ani Bernos.
Ani Bernos, gaya ng ginawang intervention ng LGUs noong panahon ng pandemic, parehas na suporta din ang kailangan sa paninagong kinahaharap na krisis ng bansa.
“I believe that once again, our LGUs can be instrumental in ensuring that the educational crisis we are facing does not deepen further,” giit pa nito.
Idinagdag pa ni Bernos na malaking kaginhawan din sa mga commuters kung magkakaroon ng service contracting agreements ang mga LGUs sa public transport. Gail Mendoza
