Home NATIONWIDE South Dakota poultry muling ipinagbawal sa Pinas sa bird flu outbreak

South Dakota poultry muling ipinagbawal sa Pinas sa bird flu outbreak

MANILA, Philippines- Muling nagpataw ang Department of Agriculture (DA) ng ‘temporary ban’ sa pagpasok ng ‘domestic at wild birds’ at maging ng poultry products, mula South Dakota sa Estados Unidos.

Kasunod ito ng kamakailan lamang na outbreak ng ‘highly pathogenic avian influenza (HPAI).’

Sa isang kalatas, sinabi ng DA na hangad nito na maprotektahan ang local poultry industry mula sa potensyal na pagpasok at matagumpay na epekto ng virus.

Ang kautusan ay matapos maiulat na may ilang outbreaks ng H5N1 avian influenza, isang subtype ng HPAI, nakaapekto sa domestic birds sa South Dakota.

Sinabi pa ng DA na kalaunan ay nakumpirma ito ng America’s National Veterinary Services Laboratories (NSVL) noong Disyembre 17, 2024.

Bilang isang emergency measure, nagpalabas si Agriculture Secretary Francisco Tiu Laurel ng Memorandum Order (MO) No. 04 na nagsususpinde ng proseso at pagpapalabas ng sanitary and phytosanitary (SPS) import clearances para sa poultry products ng South Dakota.

Sa ilalim ng kautusan ni Laurel, “the prohibition shall cover the importation of domestic and wild birds, including eggs, semen for artificial insemination, day-old chicks, and other poultry products.”

“The entry of products that are already in transit, loaded, or arrived at local ports may be allowed, provided that they were slaughtered or produced before Nov. 13, 2024. If such products are not covered by this provision, veterinary quarantine officers and inspectors are mandated to confiscate them,” ayon pa rin sa kautusan.

Nauna rito, ipinag-utos ng Pilipinas ang temporary ban sa mga poultry products na manggagaling mula sa South Dakota noong Nobyembre 23, 2023.

Tinukoy ng DA ang banta ng H5N1 avian influenza bilang sanhi ng moratorium.

Binawi lamang ang ban makaraan ang siyam na buwan, Aug. 31, 2024, matapos na itala ng South Dakota na “no outbreaks” matapos ang May 29 ng kahalintulad na taon. Kris Jose