MANILA, Philippines – Nakipagkita si Speaker Faustino “Bojie” Dy III nitong Miyerkules, Setyembre 24 kay University of the Philippines (UP) president at Atty. Angelo Jimenez, kasama ang mga opisyal ng UP Project Nationwide Operational Assessment of Hazards (NOAH) sa kabila ng kontrobersiya sa flood control projects ng pamahalaan.
Sa larawan na inilabas sa Facebook account ng Kamara ay makikita sina Dy, Jimenez, Project NOAH officials Dr. Mahar Lagmay, executive director; Atty. Red Maines; at Karlo Abunda.
“The brief meeting gave the Speaker the opportunity to be briefed about Project NOAH and its crucial role in the country’s disaster risk reduction and management efforts,” saad sa pahayag ng opisina ng Speaker.
Dalawang araw ang nakalilipas, sinabi ni Dy na sisiguruhin ng Kamara na ang proposed P625.7 billion budget para sa Department of Public Works and Highways ay gagamitin lamang para sa mga kinakailangang flood control projects na irerekomenda ng Project NOAH.
“A lot of flood control projects were removed [by the DPWH], but if these are needed according to Project NOAH which determines the areas in need of flood control projects and these are in accordance to DPWH Secretary Vince Dizon’s recommendations, then the districts or provinces which need these projects should get the budget they need,” ani Dy.
“We will ensure that this budget will only fund appropriate projects because every cent involves public funds,” dagdag pa niya. RNT/JGC
