MANILA, Philippines – Kinumpirma ng Deparment of Justice (DOJ) na ang mag-asawang Sarah at Curlee Discaya maging ang ilan pang mga dating opisyal ng Department of Public Works and Highways ay maituturing na bilang mga ‘protected witnesses.’
Sa mga opisyal ng DPWH, tinukoy sina DPWH Bulacan 1st District Engr. Henry Alcantara, Brice Hernandez at Jaypee Mendoza.
Sinabi ni SOJ Remulla na susulat sila sa Senado upang ipagbigay-alam ang tungkol dito.
“We consider them already protected witnesses eh, yun nga. Yung tatlong taga DPWH so far na nagsasalita sa amin ay considered protected witnesses,” pahayag ni Sec. Jesus Crispin ‘Boying’ Remulla ng DOJ.
“Yes we consider them (Sarah at Curlee Discaya) already as protected witnesses and we will write the Senate President about it,” dagdag pa ng kalihim.
Pero paglilinaw ni SOJ Remulla, hindi ito nangangahulugan na state witness sila kaugnay sa pagiging sangkot ng mga ito sa maanomalyang flood control projects na kasalukuyang iniimbestigahan. Jocelyn Tabangcura-Domenden
