Aabot sa 923 Person Deprived of Liberty (PDL) ang boboto ngayong 2023 Barangay at Sangguniang Kabataan Election sa Bureau of Correction mula sa Maximum, Minimum at Medium Security Compound ng Bucor. Cesar Morales
MANILA, Philippines – Isinagawa ang special voters registration para sa person’s deprived of liberty sa New Bilibid Prison (NBP), ayon sa Bureau of Correction (BuCor).
Sinabi ni Bureau of Corrections Director General Gregorio Pio P. Catapang Jr. na nasa 2,431 PDLs ang pinayagang makilahok sa special registration ng Commission on Elections (Comelec) kung saan and kanilang mga kaso ay nakaapela.
Handa na aniya ang pagsasaayos sa seguridad para sa special registration.
Samantala, 500 PDLs mula sa NBP ang nailipat sa San Ramon Prison at Penalty Farm noong Linggo.
Sa nasabing bilang, 200 ay mula sa maximum security compound , 200 mula sa medium security compound at 100 mula sa Reception and Diagnostic Center. (Jocelyn Tabangcura-Domenden)
