MANILA, Philippines – Idineklara ang state of calamity sa walong bayan sa Cavite dahil sa epekto ng oil spill, sinabi ni Governor Jonvic Remulla nitong Miyerkules, Hulyo 31.
“Kumalat na po ang oil spill sa baybayin dagat ng Cavite. Affected are the municipalities of Bacoor, Kawit, Noveleta, Rosario, Tanza, Naic, Maragondon, and Ternate,” ayon kay Remulla.
“As of today, the province is declaring a STATE OF CALAMITY in these areas,” dagdag pa niya.
Bukod dito, sinabi rin ni Remulla na nagpapatupad ang lokal na pamahalaan ng “no catch zone” sa lahat ng mga lamang dagat sa vicinity waters ng kanilang lugar.
“The Cavite Government is currently meeting for the immediate distribution of relief goods for the 25,000 affected fisherfolks in Cavite,” anang gobernador.
Matatandaan na lumubog ang MT Terranova noong Hulyo 25 sa dagat na sakop ng Limay, Bataan karga ang 1.4 milyong litro ng industrial fuel oil. RNT/JGC
