State of calamity sa dengue idineklara sa Capiz

MANILA, Philippines – Isinailalim sa state of calamity ang buong lalawigan ng Capiz dahil sa dengue outbreak nitong Huwebes, Agosto 22.

Kasabay ng pagdedeklara ng state of calamity ay inilunsad na rin sa buong lalawigan ang simultaneous fumigation.

Sa huling datos ng Capiz Provincial Health Office ay umabot na sa 1,783 ang kaso ng dengue simula Enero 1, 2024 hanggang Agosto 17, 2024.

Lima naman ang namatay dahil sa sakit. RNT/JGC