Alyansa campaign manager Navotas Rep. Toby Tiangco: “We respect her (Sen. Imee Marcos) decision and wish her luck.”
MANILA, Philippines – Sinagot ni Navotas Congressman Toby Tiangco ang panawagan ni Tingog Party-list Rep. Jude Acidre na maglabas ng ebidensya kaugnay sa umano’y panunuhol sa mga mambabatas para suportahan ang impeachment complaint laban kay Vice President Sara Duterte.
Ayon kay Tiangco, may ilang mambabatas na pumirma sa unang impeachment complaint ang umamin na ginawa ito dahil sa pangambang hindi sila mabibigyan ng ayuda ng pamahalaan.
“With all due respect to Rep. Jude Acidre, nakalimutan na yata niya na ilan sa mga pumirma sa first impeachment complaint ay umamin na kaya sila pumirma ay dahil hindi sila mabibigyan ng AICS, AKAP at TUPAD kung hindi nila ito gagawin,” aniya.
Iginiit din niya na may kinalaman ang mga insertion sa infrastructure projects sa paglagda sa reklamo.
“Yung sinabi ko naman na kaya pinirmahan ang first impeachment ay dahil sa mga insertions ng infrastructure projects, proven na din yun. Hindi ba’t nakasuhan na si Zaldy Co at inirekomenda ng DPWH at ICI na sampahan ng kasong plunder si former Speaker Martin Romualdez?” dagdag niya.
Nilinaw ni Tiangco na ang kanyang naunang pahayag ay tumutukoy sa posibilidad na magamit bilang leverage ang mga proyektong may markang “For Later Release (FLR).”
“Ngayon, kung ang tinutukoy nya ay ang second impeachment na tinatalakay ngayon, eh masyado naman syang guilty”. “Sumagot lang naman ako when I was interviewed and asked if the DPWH projects that are marked “For Later Release (FLR)” can be used as a carrot and stick,” aniya.
“Ang sagot ko was that we can only find out after the voting whether the FLR projects in the districts will be released, depending on their vote,” dagdag pa niya.
Binigyang-diin ni Tiangco na hindi siya kaalyado ng Bise Presidente ngunit hindi siya nangangamba sa posibilidad ng kanyang pagkapangulo.
“To be clear, I am not an ally of the Vice President. But unlike them, I am not scared of a Sara Duterte presidency because I can be accountable to any President. Hindi ko kailangang sumipsip sa kahit sinong Presidente. I can work with any President I agree with and oppose a President I don’t agree with,” aniya.
“My track record shows that I have opposed even the most popular Presidents. Eh sila? Hanggang ngayon hindi pa nila pinapaliwanag ang P5.96 billion insertion ng Tingog Partylist sa 2025 GAA. Baka kaya nanginginig sila sa takot sa posibilidad na maging Presidente si Sara. Posibilidad palang takot na takot na sila,” dagdag niya.
Kinilala rin ni Tiangco na may ilang grupo na naghain ng impeachment complaint batay sa prinsipyo.
“I also believe that there are groups that filed impeachment complaints out of principle like the Makabayan bloc, Akbayan, Cong. Leila de Lima, Cong. Chel Diokno, Kiko Dee,” aniya.
“However, the fact remains that some are hiding behind the impeachment complaint to escape scrutiny and their own accountability,” dagdag pa niya.
Sa huli, nanawagan siya sa mga kapwa mambabatas na huwag patagalin ang proseso ng impeachment at ituon ang pansin sa mas agarang suliranin ng bansa.
“Most importantly, I call on my fellow legislators not to make a spectacle out of the impeachment proceedings. Let us not drag this on unnecessarily. Instead, let us expedite the proceedings and get it over with so that we can concentrate on the oil crisis we are currently facing as a nation,” pagtatapos ni Tiangco. Jojo Rabulan
