MANILA, Philippines – Patay ang isang sundalo habang sugatan ang apat iba pa sa naaksidenteng military truck sa Tarlac–Pangasinan–La Union Expressway sa Villasis, Pangasinan.
Nagpaabot ng pakikiramay ang Philippine Army sa pamilya ng nasawing sundalo.
“His service and sacrifice for the country can never be measured nor forgotten,” sinabi ni spokesperson Col. Louie Dema-ala.
Siniguro rin ng Philippine Army ang tulong sa mga sugatang tauhan na kasalukuyang nagpapagaling pa at under medical observation.
Nakikipag-ugnayan na ang militar sa mga awtoridad para sa masusi at patas na imbestigasyon sa sanhi ng insidente.
Hindi na naglabas pa ng ibang mga detalye kaugnay sa pangyayari. RNT/JGC
