Sunog sumiklab sa residential area sa Maynila

MANILA, Philippines – Sumiklab ang sunog sa isang residential area sa Barangay 739 sa Malate, Manila madaling araw ng Miyerkules, Agosto 12.

Ayon sa ulat, iniulat ang sunog 1:41 ng madaling araw at itinaas sa ikaapat na alarma bandang alas-2 ng umaga.

Idineklara namang under control ng Bureau of Fire Protection ang sunog 3:45 ng umaga.

Wala pang inilalabas na detalye ang mga awtoridad sa posibleng nasawi, lawak ng pinsala o sanhi ng sunog. RNT/JGC