MANILA, Philippines – Nakataas ang Tropical Cyclone Wind Signal (TCWS) No. 4 sa Batanes habang nagsimulang lumayo ang Super Typhoon Leon mula sa lalawigan ngayong Huwebes ng umaga, sinabi ng state weather bureau PAGASA.
Sa kanilang 8 a.m. bulletin, sinabi ng PAGASA na ang TCWS No. 3 ay nakataas sa hilagang bahagi ng Babuyan Islands.
Ang mga sumusunod na lugar sa Luzon naman ay nasa ilalim ng TCWS No. 2:
-ang natitirang bahagi ng Babuyan Islands
-ang hilagang bahagi ng mainland Cagayan (Camalaniugan, Lal-Lo, Pamplona, Gonzaga, Santa Teresita, Baggao, Buguey, Claveria, Gattaran, Lasam, Aparri, Ballesteros, Abulug, Allacapan, Sanchez-Mira, Santa Praxedes, Santa Ana)
ang hilagang bahagi ng Apayao (Pudtol, Luna, Santa Marcela, Calanasan, Flora)
-ang hilagang bahagi ng Ilocos Norte (Sarrat, Piddig, Bangui, Vintar, Burgos, Pagudpud, Bacarra, Adams, Pasuquin, Carasi, San Nicolas, Dumalneg, Laoag City)
Samantala, ang TCWS No. 1 ay nasa mga sumusunod na lugar sa Luzon:
-ang natitirang bahagi ng Cagayan
-Isabela
-ang natitirang bahagi ng Apayao
-Abra
-Kalinga
-Mountain Province
-Ifugao
-ang hilagang bahagi ng Benguet (Mankayan, Bakun, Buguias)
ang natitirang bahagi ng Ilocos Norte
-Ilocos Sur
Sinabi ng PAGASA na ang sentro ng Leon ay nasa layong 110 kilometro hilagang-silangan ng Itbayat, Batanes at kumikilos pahilagang-kanluran sa bilis na 20 kilometro kada oras (kph).
Taglay ni Leon ang lakas ng hanging aabot sa 195 kph malapit sa gitna at pagbugsong aabot sa 240 kph.
Ayon sa PAGASA, inaasahang lalabas ng Philippine area of responsibility (PAR) si Leon sa Huwebes ng gabi o madaling araw ng Biyernes. RNT
