MANILA, Philippines – Sinabi ng Department of Agriculture (DA) na sinisikap nilang kunin ang parehong highland at lowland na gulay mula sa mga lugar sa Visayas at Mindanao matapos ang malalakas na bagyo na humagupit sa mga rehiyon na nagpo-produce ng gulay sa Luzon.
Sa isang panayam, sinabi ni DA Assistant Secretary Arnel de Mesa na ang DA-High Value Crops Development Program at ang Bureau of Plant Industry (BPI) ay magsasapinal ng mga rekomendasyon sa mga alternatibong pinagmumulan ng supply sa loob ng linggo upang mapaamo ang mataas na presyo ng tingi ng mga gulay.
Ayon pa kay De Mesa na walang magiging problema sa mga gastos sa logistik kung isasaalang-alang ang mas murang antas ng presyo ng gulay sa Visayas at Mindanao.
Aniya, may posibilidad din na mag-import ng gulay kapag nakita ng assessment na kailangan itong gawin.
Kaugnay nito nauna nang nagpahayag ang DA ng planong buksan ang mga Kadiwa sites sa mga lugar na tinamaan ng Super Typhoon Pepito (Man-yi) upang gawing mas mura ang pagkain sa mga apektadong Pilipino.
Ayon sa pinakahuling datos ng DA-Disaster Risk Reduction and Management Operations Center, ang Severe Tropical Storm Kristine (Trami) at Typhoon Leon (Kong-rey) ay nag-iwan ng humigit-kumulang PHP1.23 bilyon na halaga ng pinsala sa mga high-value crops na katumbas ng 46,016 metric tonelada (MT) dami ng pagkawala ng produksyon; habang ang Bagyong Nika (Toraji) at Super Typhoon Ofel (Usagi) ay nag-iwan ng 5,946 MT volume ng production loss na nagkakahalaga ng PHP97.72 milyon. Santi Celario
