MANILA, Philippines – Bumisita sa National Headquarters ng Philippine Coast Guard (PCG) sa Port Area, Maynila si United States Coast Guard Pacific Area Deputy Commander Rear Admiral Jeffery Novak.
Sa pulong, binigyang-diin ni PCG Commandant Admiral Ronnie Gil L. Gavan ang kahalagahan ng partisipasyon ng PCG sa Rim of the Pacific Exercise 2026 at ang pagpapalawak ng maritime engagements sa ilalim ng ASEAN Coast Guard Forum at iba pang regional cooperation initiatives.
Pinag-usapan din ang patuloy na suporta ng United States Coast Guard sa pagpapalakas ng cybersecurity, search and rescue capabilities gamit ang Search and Rescue Optimal Planning System o SAROPS, deployment ng karagdagang USCG cutters sa bansa, at ligtas na communications initiatives.
Kasama rin sa tinalakay ang kooperasyon sa maritime domain awareness, environmental protection, capacity-building initiatives, human resource development, at strategic communications.
Muling iginiit ni Gavan ang patuloy na pakikipagtulungan ng PCG sa USCG para sa pagsusulong ng kapayapaan, katatagan, at rules-based maritime order sa Indo-Pacific region. Jocelyn Tabangcura-Domenden
