MANILA, Philippines – Niyanig ng magnitude 7.4 na lindol ang Hinatuan, Surigao del Sur nitong Sabado ng gabi, Disyembre 2.
Unang naitala ng PHIVOLCS ang magnitude 6.9 na lindol bandang 10:37 ng gabi ngunit itinaas ito sa magnitude 7.4.
Naitala ang sentro nito sa layong 30 kilometro hilagang-silangan ng Hinatuan at may lalim na 25 kilometro.
Naramdaman ang Intensity VII ng lindol sa City of Tandag, Surigao del Sur, Intensity VI sa City of Bislig, Surigao del Sur, Intensity V sa Cagayan de Oro City; Nabunturan, Davao de Oro; Davao City, at Intensity IV sa Duero, at Garcia Hernandez, Bohol; Mandaue City, Cebu; Alangalang, Baybay City, Burauen, Dulag, Hilongos, Jaro, Javier, Julita, La Paz, Macarthur, Mahaplag, Mayorga, Palo, Pastrana, Santa Fe, Tanauan, at Tolosa, Leyte; Tacloban City; Anahawan, Bontoc, Hinunangan, Hinundayan, Liloan, Limasawa, Malitbog, Padre Burgos, San Francisco, San Juan, Silago, at Sogod, Southern Leyte; Alabel, at Malungon, Sarangani; Tupi, South Cotabato; Surigao City, Surigao del Norte.
Samantala, Intensity III ang naramdaman sa Tagbilaran City, Bohol; Leyte, Leyte; Dapitan CIty, Zamboanga Del Norte; Molave, Zamboanga del Sur; San Fernando, Bukidnon; Kidapawan City, Cotabato; Glan, Kiamba, Maasim, at Malapatan, Sarangani; Banga, at City of Koronadal, South Cotabato; General Santos City; President Quirino, Sultan Kudarat; Datu Odin Sinsuat, at Sultan Kudarat, Maguindanao; Cotabato City, Intensity II sa Argao, Cebu; Calubian, Leyte; Dipolog City, Zamboanga del Norte; Santo Niño, South Cotabato; Esperanza, at Kalamansig, Sultan Kudarat at Intensity I sa Lake Sebu, South Cotabato.
Inaasahan ang pinsala at sunod-sunod na aftershock dahil sa naturang lindol.
Kasunod nito naglabas ng tsunami alert ang PHIVOLCS sa mga probinsya ng Surigao del Sur at Davao Oriental ngunit kalaunan ay inalis din. RNT/JGC
