MANILA, Philippines – Dadalo si Department of National Defense (DND) Secretary Gilberto Teodoro Jr. sa Seoul Defense Dialogue (SDD) 2026 sa South Korea mula Sept. 7 hanggang 9, 2026.
Bibigyang diin ng Kalihim ang lumalagong security ties sa pagitan ng Maynila at Seoul.
Sa isang kalatas, sinabi ni Defense spokesperson Assistant Secretary Arsenio Andolong, asahan nang magsasalita si Teodoro sa isasagawang Plenary Session 1: “Collaborative Architecture for International Stability” summit.
Ito ang magkasunod na pagkakataon na nagpartsipa si Teodoro sa SDD, kasunod ng kanyang pagdalo sa event noong nakaraang taon.
Sa sidelines ng SDD, inaasahan ang bilateral meeting ni Teodoro kasama si South Korean Defense Minister Ahn Gyu-back, tatalakayin ng mga ito ang larangan ng mutual interest at mas palalakasin ang napakatagal ng ‘defense at security partnership’ sa pagitan ng dalawang bansa.
Matatandaang, nagsimula at nabuo ang longstanding defense ties ng Pilipinas at South Korea noong panahon ng Korean War, kung saan ang mga sundalong pinoy ay nagsilbi kasama ang puwersa ng United Nations (UN).
“Secretary Teodoro’s participation underscores the Philippines’ commitment to strengthening defense partnerships, advancing regional cooperation, and promoting a peaceful, secure, and stable Indo-Pacific, in line with President Ferdinand R. Marcos Jr.’s direction to advance the country’s defense engagements,” ayon kay Andolong.
Ang Ministry of National Defense ng South Korea, taun-taon na tumatayong host, nagpahayag na ang SDD ay “a premier multilateral security forum that brings together defense ministers, senior officials, military leaders, experts, and other stakeholders to discuss pressing regional and global security concerns.” (Kris Jose)
