MANILA, Philippines – Tinitignan na rin ng Department of Justice (DOJ) ang posibilidad na may kaugnayan sa terorismo ang nangyaring pamamaril sa Ateneo de Zamboanga University.
Sinabi ni Justice Secretary Fredderick Vida na nakikita sa nangyaring insidente ang elemento ng terorismo, partikular ang layuning maghasik ng takot sa publiko.
Hindi naman binanggit ni Vida ang buong detalye dahil nagpapatuloy ang mga imbestigasyon ng law enforcement agencies.
“On the aspect of it being a terrorist act, definitely nakikita naman because the purpose of terrorism is to sow fear diba in the general population. So pag nakita nyo that element of creating fear on the public, it’s present.”
Nakahanda aniya ang kanilang field office na tumanggap at umaksyon sa anumang reklamong ihahain kaugnay ng insidente. Jocelyn Tabangcura-Domenden
