MANILA, Philippines – Inilarawan ni Bicol Saro Party-list Representative Terry Ridon, miyembro ng House prosecution team, ang testimonya ni dating
Office of the Vice President (OVP) Special Disbursing Officer Gina Acosta sa paglalabas ng confidential funds bilang isang “smoking gun” sa impeachment ni Vice President Sara Duterte.
“Tingin ko ho ang kaniyang testimonya ang talaga pong isa sa mga smoking gun dito sa paglilitis kasi directly itinuturo po niya ang Pangalawang Pangulo na nag-utos sa kaniya na ibigay ang P125 million in confidential funds kay Colonel [Raymund] Lachica na hindi po organic OVP personnel,” sinabi ni Ridon nitong Sabado, Agosto 22.
“‘Yan po basically ang pinagdedebatihan doon sa COA [Commission oin Audit] notice of disallowance bakit nila ‘yun binigay sa isang non-organic OVP personnel,” ayon pa sa mambabatas.
Ang smoking gun ay tumutukoy sa isang bagay na nagsisilbing conclusive evidence na o patunay.
Noong Lunes, sa direct examination ni private prosecutor Amando Ligutan, kinumpirma ni Acosta ang kanyang testimonya noong Nobyembre 2024 sa House panel inquiry na si Vice President Sara Duterte ang nag-utos sa kanya na i-disburse ang P125-million confidential funds kay Lachica.
Sa testimonya ni Acosta, ani Ridon, ang “burden of evidence” ay nasa kamay na ng defense team ni Duterte.
“On confidential funds misuse, after the Gina Acosta testimony noong Monday, nasa kanila na ang burden of evidence para wasakin ang mga testimonya na ito when it is their turn to actually present the evidence.” RNT/JGC
